oekofreaks - бидете промената што сакате да ја видите во светот

veganes Bananenbrot mit einer Tasse Tee und Teller voller Obst

Посен колач со банана

Сигурно од време на време имате зрели банани во кујната. Многумина ќе речат „веќе не се употребливи“, но секој што се храни на растителна база би рекол: „совршен колач или сладолед од банана “ 🙂 Бидејќи ние припаѓаме на групата која не сака да се расфла со храна, од зрелите, сочни банани најчесто печеме колач. Навистина нема ништо подобро отколку да го започнете денот со шоља свеж чај и едно или подобро две парчиња колач од банана. 🙂

Energiekakaobällchen mit Kakao und Nüssenmantel

Бомбици од урми и какао

Здрава слатка закуска која се состои само од неколку состојки, да е вкусна, да не содржи рафиниран шеќер, да е посна, по можност исто така и без глутен? Постои ли воопшто такво нешто? Да, постои таква закуска и токму во овој текст ќе ви ја откриеме рецептата за бомбици од урми и какао. Тие се подготвуваат многу брзо, без печење, само со процесор за храна. Тие се совршени за во природа, за на работа или како подарок направен со многу љубов и внимание. Дополнителниот вкус на чоколада ве тера да сакате повеќе и претставуваат вистинска опасност од зависност 🙂

Посен колач со црвени плодови – бобинки и крцкави трошки

Кој е најдобриот дел од колачот со крцкави трошки на површината? Секако, крцкавите трошки! Колку често и да го приготвувате овој вид на колач секогаш само ќе посакувате да има помалку од другите делови и повеќе (многу, многу повеќе) од крцкавите трошки од горе. 🙂

Ако крцкавите трошки се вашиот омилен дел од колачот, тогаш оваа посна варијанта на колач со црвени плодови и крцкави трошки дефинитивно ќе биде вашиот омилен рецепт.

Teller voll mit Reis und KÜrbis-Kichererbsen Curry

Посно кари со тиква, наут и спанаќ

На нашата трпеза најчесто има специјалитети кои што се направени од едноставни, сезонски, регионални и свежо подготвени зеленчуци. Понекогаш сакаме да си дозволиме други јадења кои се многу лесни за подготовка, но не се направени од 100% свежи и сезонски состојки. Главните состојки за овој рецепт се тиква, наут, спанаќ и кокосово млеко.

Кога во доцна есен надвор многу рано ќе почне да се затемнува и станува тажно, ние сме среќни да ги претвориме боите на постојниот зеленчук во кулинарно уживање 🙂

Сигурни сме дека ја сакате храната со убави и силни вкусови и ништо не може да надмине едно одлично кари за да се стави крај на еден хаотичен ден. Аромите ќе ве однесат во еден поинаков свет и тоа ќе ви ја наполни устата со вода и ќе ви ја зголемат желбата за уште една дополнителна порција 🙂

Посен хумус од наут

Веројатно повеќето од вас веќе имаат направено хумус од наут во домашни услови. Во меѓувреме има многу рецепти и варијации од различни зеленчуци што може да се најдат на интернет. Добро е што има голем избор и се наоѓа по нешто за секој вкус и секој стомак може да се задоволи. 🙂

Во овој рецепт ќе ја претставиме нашата едноставна варијанта на посен хумус од наут. Тој многу лесно се приготвува со неколку едноставни состојки. Сè што ви треба е процесор за храна или миксер и 10 минути од вашето време. Овде ќе дознаете како сами да го креирате вашиот нов омилен хумус од наут со мека и кремаста конзистенција.

Посен Mousse au Chocolat кој се прави само од три состојки – рецепт што секогаш успева!

Обожавате Mousse au Chocolat и многу често сами правите хумус и секогаш ја истурате течноста од варениот наут … Стоп … Стоп.

Што има врска едното со другото сега?

Водата во која се вари наутот се нарекува Аквафаба. Има вискозна конзистентност и главно се состои од јаглени хидрати и растителни протеини кои преминале во водата за време на процесот на варење на наутот. Таа течност е совршена замена за посен шлаг.

Сè што ви треба за Mousse au Chocolat е аквафаба како посна замена на белки од јајца, посно темно чоколадо, сок од лимон и процесор за храна или миксер. За скептиците меѓу вас, би сакале да ве увериме дека овој десерт воопшто нема вкус на наут, секогаш функционира и не предизвикува никаков вид на отпад, значи Zero Waste рецепт.

Посни колачи со урми, бадеми и таан

Во потрага по рецепти кои не предизвикуваат грижа на совеста додека јадете и потоа сеуште можете добро да се чувствувате, дојдовме до овој рецепт после неколку обиди: посни колачиња со урми, бадеми и таан.

Тие се состојат само од неколку состојки, посни се, без глутен и брзо се прават. За подготовка потребен ви е само процесор за храна или миксер и рерна. Колачите имаат бадемов и на места пријатно соленкаст вкус. Урмите даваат доволно сладост, без да има потреба да се користи рафиниран шеќер.

Erbsenhummus auf eine Scheibe Rote Beete Brot

Посен хумус од грашок – хумус направен од зелен грашок

Има многу различни варијанти на хумус и неколку од нив веќе испробавме за да ги споделиме со вас. Основниот рецепт е скоро секогаш ист, а останатите се разлкуваат по различните главни состојки или мешавината со наут, кои на секој намаз му даваат посебна нота на вкус.

Во овој рецепт би сакале да ве запознаеме со нешто друго освен класичниот хумус. Главната состојка за овој намаз е зелениот грашок.

Rote Beete Brot mit grunem Erbsenaufstrich

Леб со цвекло

Без разлика дали леб, кифли или какви било тестенини, ние сакаме да печеме и да експериментираме. Постепено ги споделуваме нашите резултати со вас. Така и оваа за нас посебна и необична, розева креација леб од цвекло не би сакале да ја сокриеме од вас. 🙂

Сигурно има неколку противници на вкусот на цвеклото помеѓу вас кои ќе речат „бљак“, но можеме да кажеме само едно: дајте му на цвеклото уште една шанса!

Кога станува збор за цвекло, во нашето домаќинство ставот околу вкусот отсекогаш беше поделен, на едниот му се допаѓа повеќе, на другиот воопшто не му се допаѓа 🙂 Ова полека се смени, двајцата навистина “навлеговме” во вкусот на цвеклото.

Во овој рецепт, вообичаениот земјен вкус на цвеклото воопшто не се вкусува.

Затоа, ги охрабруваме сите скептици на цвекло да ги надминат своите граници, да испробаат и да дозволат цвеклото да ги убеди. 🙂