Класичниот мајонез не беше дел од нашиот план за јадење многу често, но веганската варијанта од време на време се наоѓа на нашата трпеза. 🙂

Бидејќи е многу лесен за подготовка, вкусен, посен, идеален како придружба на зеленчук и други додатоци давајќи им дополнителен вкус на оброците.

Посен мајонез

Со оваа рецепта за посен мајонез не можете да ја вкусите разликата од класичната варијанта. Во неколку внимателни и брзи чекори ќе завршите со подготовката на мајонезот. Најдобро би било ако сите состојки имаат собна температура и се ставаат во миксер поединечно и во помали количини.
време на подготовка10 mins
целосно време на подготовка10 mins
Додаток во јадење, Намаз
потекло и регионCross-Cooking
начин на исхранаVegan
Tagsбез глутен, веган, Вегански мајонез, Мајнонез без јајца, Мајонез, посен Мајонез, посно

опрема

  • Миксер или процесор за храна

Состојки

  • 200 мл неутрално млеко од соја - или друго растително млеко по ваш избор
  • 250 мл сончогледово или масло од репка
  • 1 лажичка вегета
  • 3 лажички сенф
  • 4 лажички сок од лимон
  • бибер и сол

Начин на подготовка

  • Соиното млеко ставете го во миксер или процесор за храна и мешајте околу 2 минути или додека не почне да пени.
  • Додадете сол, бибер и зачини и мала голтка масло и оставете го да се меша половина минута.
  • Во следната фаза додадете сенф и уште една голтка масло и оставете повторно да се мешаат половина минута.
  • Повторете го процесот додека не се потроши целото масло. На крај додадете сок од лимон и мешајте додека не се постигне саканата конзистентност.
  • Мајонезот може да се чува во тегла со капак во фрижидер најмалку една недела.
  • Добар апетит 🙂

Дали ви се допадна рецептот или не излезе како што посакувавте? Ние го цениме вашиот искрен фидбек за овој рецепт.

оцени го рецептот

Запомнете:

Често, мајонезот е наведен како важна состојка во многу различни салати, бидејќи врзува многу други состојки со својата кремаста конзистенција. Затоа, дури и ние понекогаш сме во искушение да го приготвиме.

За наведените состојки да се искомбинираат меко и кремасто како што изгледа „нормалниот“ мајонез, многу е важно да се осигурате дека сите состојки имаат собна температура пред да ги измешате или барем маслото и млекото од растително потекло.

Кое масло е најпогодно за густината на мајонезот?

Изборот на масло и млеко од растително потекло е исто така одлучувачка компонента во тоа дали ќе се постигне саканата конзистентност. Досега, овој рецепт кај нас успеваше само со комбинација на соино млеко и масло од сончоглед. Ако успеете на друг начин слободно споделете со нас и кажете ни кои трикови сте ги користеле. 😉

Посен мајонез пробавме да направиме со овесно млеко од сопствено производство но, конзистентноста повеќе личеше на прелив за салата, иако вкусот воопшто не се разликуваше и беше навистина добар.

Сенфот се користи како емулгатор (средство за врзување), и ги комбинира млекото и маслото во хомогена маса и му дава особен вкус на мајонезот.

Препорачливо е да се придржувате до точните количини, во спротивно масата нема да се зацврсти.

Без разлика дали е цврста или густа, мајонезот има одличен вкус како намаз, како сос или како прелив за салата. Дали е здрав или погоден за фигурата е друга тема 🙂

Мајонезот не ја добива посакуваната густина!

Ако мајонезот не е цврст или кремаст од која било причина, помага да додадете пола лажичка брашно/нишесте од компир и почекајте неколку минути, тогаш смесата ќе биде многу поцврста.

Ако ви недостасува вкусот на јајцето, додадете половина лажичка сол Кала Намак за да се добие сулфурен вкус. Овој зачин во најголем дел се состои од натриум хлорид (сол) со неколку други состојки кои му даваат боја и мирис на овој зачин.

Со додавање на чешне лук, добивате пријатна, ароматична варијација на кремот аиоли што можете да го рафинирате со различни билки.

Ви посакуваме многу успех и одвај чекаме да ги видиме вашите резултати и варијации. 🙂

Следете на Instagram и на Facebook и означете не на вашите креации.

Sharing is caring!

Leave a comment

Вашата адреса за е-пошта нема да биде објавена.

Bewerte dieses Rezept




This site uses Akismet to reduce spam. Learn how your comment data is processed.