Пица со многу тенко, крцкаво тесто, доматно-ароматичен сос и многу зеленчук секогаш има место во стомакот 🙂

Честопати кога велите пица, со сигурност сметате дека треба да се подготви многу брзо и мора да е потпечена со кашкавал. Нашиот рецепт за пица ќе трае неколку минути повеќе од замрзнатата пица, е без кашкавал и сепак е многу вкусна.

Домашната пица без кашкавал ве прави да се чувствувате лесно а сепак ве заситува и е релативно ниска во калории.

Посна пица со тесто од квасец

Иако списокот на состојки изгледа толку долго на прв поглед, оваа пица е многу лесна за подготовка – но никаде не рековме дека ќе биде брзо готова. 🙂
време на подготовка30 mins
време на печење15 mins
време на киснење1 hr
целосно време на подготовка1 hr 45 mins
Печиво, Пица
потекло и регионИталијански специјалитет
начин на исхранаVegan
Tagsбосилек, пица, посно
Порции: 4 Пици

Состојки

Тесто:

  • 500 гр пченично брашно - или друго без глутен
  • 1 квасец
  • 1 лажица - рамна сол
  • 1 кафена лажица шеќер
  • 50 ml сончогледово масло
  • 150 ml млака вода

Сос:

  • 200 мл пире од домати
  • 2 сецкани домати
  • 2 кромид
  • 1-2 чешниња лук
  • Сончогледово масло
  • Оригано - прстофат шеќер, прстофат сол, бибер …

Гарнир:

  • 250 гр свежи печурки
  • 1 пиперка
  • 1 тиквички
  • 1 кромид
  • грст маслинки
  • свежи лисја босилек

Начин на подготовка

  • Тесто:
  • Измешајте го квасецот со сол, шеќер и 2 лажици брашно во млака вода. Оставете го околу 10 минути да одмори додека смесата не почне пенесто да се поткрева.
  • Брашното, маслото и мешавината од квасец замесете го во многу меко, свилено тесто. Покријте го тестото со влажна крпа и оставете на топло место околу 60 минути да одмори и да порасне двојно во волумен.
  • Ставете многу брашно на чиста и сува работна површина.
  • Поделето го стасаното тесто на 4 парчиња со иста големина. Обликувајте ги поединечните парчиња тесто од пица во мали топчиња и притиснете ги со дланката. Од секое од топчињата формирајте, кружно и тенко тесто со рацете. Не користете сукало, бидејќи тоа ќе му ја одземе мекоста на тестото. Постојано додавајте брашно во тестото и притиснете го одвнатре кон надвор.
  • Тестото за пица треба да достигне дијаметар од околу 30 см.
  • Како основа ние користевме домашен сос од домати.
  • Распределете го доматниот сос рамномерно со лажица, на краевите оставете простор од околу 2 сантиметри без сос. Другите состојки можат да бидат избрани според вкус, потреба, можност, сезона..
  • Сос:
  • Исечете го кромидот и чешнињата лук на мали парчиња и малку запржете ги со сончогледово масло. Додадете ги исецканите домати, доматното пире и сите преостанати зачини и оставете го на оган на средна температура околу 15 минути. Предупредување! Покријте го тенџерето со капак, во спротивно нема да ја препознаете вашата кујна 🙂
  • Гарнир:
  • Како гарнир можете да користите сè што сакате, што е во фрижидер или сезонски зеленчук што во моментот е достапен. Овој пат ние користевме тиквички, домати, кромид, пиперки, свежи печурки, маслинки и свеж босилек.
  • На крај пицата ставете ја во загреаната рерна и печете ја на висока температура.
  • Температурата треба да достигне барем 250 степени целзиусови степени со горна и долна топлина. Во зависност од рерната, пицата ќе се пече околу 10-15 минути.
  • Декорирајте со свеж босилек и уживајте.
  • Добар апетит 🙂

Дали ви се допадна рецептот или не излезе како што посакувавте? Ние го цениме вашиот искрен фидбек за овој рецепт.

оцени го рецептот

Запомнете:

Босилек (Ocimum basilicum), познат и како босилова тревка или кралска билка, е зачин од семејството на нането.

Различните форми на ботанички култури на босилекот се разликуваат во бојата на лисјата, големината, аромата, видот и условите на растот. Босилекот најчесто се одгледува како годишно растение. Тој расте во форма на исправено, едно годишно растение кое може да достигне височина од 20 до 60 сантиметри. Сите делови на растението мирисаат ароматично. Ароматичниот мирис е предизвикан од високата содржина на есенцијални масла.

Цветниот период се протега главно од јуни до септември. Цветното стебло е долго 2,5 милиметри.

Најмалку седум од приближно 65 видови од родот на босилек се одгледуваат како кулинарски и лековити билки. Некои од нив биле користени во Египет, античка Грција и Рим како зачини. Во Индија, тие сè уште се важни билки за чај во ајурведа движењето и филозофија.

Билката расте најдобро на сончево место. Почвата треба да биде богата со хранливи материи и секогаш доволно влажна. Босилек, можете да одгледувате во стар сад на вашиот балкон без никакви проблеми.

Босилекот исто така има голем број на позитивни лековити својства. Пред сè, намалување на надуеност, намалување на болки во грлото и настинка и како лек за треска и стрес. Босилекот често се користи како чај или свеж без термички преработки.

Тој има различни лековити ефективни супстанции, вклучително линалол и кампер. Билката има хипотензивни, антиинфламаторни, аналгетски и антиконвулзивни својства.

Тој содржи минерали и витамини, како што се витамин Б, манган, бакар, витамин Ц, бета-каротин (претходник на витамин А), калциум, железо и витамин К.

Босилекот делува против мулти-отпорни бактерии. Многу истражувачи се занимаваат веќе долго време со можноста босилекот во иднина да се користи како алтернатива на антибиотиците.

Денес босилек е едно од најпопуларните растенија на зачини на земјата, затоа што растението е присутно во секоја кујна. Меѓутоа, ако сакате да имате корист од извонредната содржина на виталните материи на босилекот, мали количини не се од голема корист.  Меѓутоа, во форма на песто можат да се уживаат и поголеми количини на босилек, кои потоа даваат и релевантни витални материи.

Sharing is caring!

Leave a comment

Вашата адреса за е-пошта нема да биде објавена. Задолжителните полиња се означени со *

Bewerte dieses Rezept




This site uses Akismet to reduce spam. Learn how your comment data is processed.